ՍՏԵՂԾԻՐ ՔՈ ԴՐԱՄԱՊԱՆԱԿԸ

Եթե որոշել եք զբաղվել մայնինգով կամ ձեռք բերել կրիպտոարժույթ,ապա ձեզ անհաժեշտ կլինի ստեղծել դրամապանակ։ Առանց այդպիսի պահոցի անհնար է դառնում կրիպոարժույթի օգտագործումը,քանի որ այն նյութական չէ և գոյություն ունի միայն բլոկչեյնի տարածության մեջ։ Կրիպտոարժույթի դրամապանակը ծրագիր է , որի օգնությամբ հնարավոր է պահպանել ինչպես մասնավոր (Private), այնպես էլ հանրային (Public) բանալիները․ Այդ բանալիները իրենցից ներկայացնում են թվային կոդեր,որոնք հնարավորություն են տալիս իրականացնել կրիպտոարժույթով գործարքներ։ Հանրային բանալին օգտագործում է բլոկչեյնը՝ համապատասխան դրամապանակը գտնելու նպատակով։ Նրա վրա դուք ստանում եք փոխանցումներ, և կարող եք ցույց տալ ուրիշ օգտատերերին։Անձնական բանալին ոչ մի դեպքում չի կարելի ցույց տալ անծանոթներին կամ օգտագործել ուրիշ դրամապանկերում։ Այն պետք է պատճենվի և պահպանվի անվտանգ և հուսալի տեղում, քանի որ դրա կորստի դեպքում, անհնար կլինի այն վերականգնել, և ձեր միջոցները այլևս հասանելի չեն լինի։ Վերադառնանք դրամապանակի ընտրությանը։ Ընտրությունը պետք է կանգ առնի հնարավորինս հայտնի և հեղինակավոր դրամապատակների վրա։ Որպեսզի ընտրենք ձեզ համար առավել հարմար տարբերակը,ուսումնասիրենք դրամապանակների հիմնական տեսակները

• Օնլայն դրամապանակ․ Սրանք հատուկ վեբկայքեր են, որտեղ պահվում են կոդերը․ Օնլայն դրամապանակների մեծամասնությունը կարող է ծառայել մի քանի տեսակի կրիպտոարժույթների պահպանման համար։ Այս դրամապանակները համեմատաբար փոքր տոկոսներ են գանձում գործարքներից և հարմար են սկսնակների համար: Օնլայն դրամապանակները հարմար են նաև նրանով, որ դրանից կարելի է օգտվել աշխարհի ցանկացած կետից։Հիմնական խնդիրը, որը կարող է առաջանալ այսպիսի դրամապանակներից օգտվելիս, հաքերային հարձակումն է։ Այդ պատճառով խորհուրդ չի տրվում այս դրամապանակներում մեծ գումարների պահպանումը: Սակայն, եթե դրամապանակից օգտվել խելամիտ, ոչ մեկին չփոխանցել անունը և գաղտաբառը, խնդիրներ չեն առաջանա։
• Մոբայլ դրամապանակ․ Այս դրամապանակները իրենցից ներկայացնում են iOS և Android համակարգերի համար նախատեսված հավելվածներ։
• Desktop- դրամապանակ․ Այս դրամապատակները տեղադրվում են համակարգչի վրա,որպես առանձին ծրագիր։Սրանք բավականին պարզ և անվտանգ են օգտագործման համար։ Յուրաքանչյուր կրիպտոարժույթի պաշտոնական կայքից կարելի է ներբեռնել համապատասխան դրամապանակի ծրագիրը։« Սառը » դրամապանակ․ Այս դրամապանակները իրենցից ներկայացնում են ֆլեշ կրիչներ և համարվում են կրիպտոարժույթի պահպանման ամենաապահով միջոցներից մեկը օֆֆլայն ռեժիմում։ Այս դրամապանակները թույլ են տալիս օգտվել միայն լայն տարածում գտած կրիպտոարժույթների դեպքում։